'Happy Jack' ah Charlie Sheen leh Martin Sheen

Comedy series 'Happy Jack' tihah Charlie Sheen leh Martin Sheen-te chu pafa lemah an chang dawn. Series hi AMC leh AMC+ a tihchhuah tur a ni. He multi-cam comedy hi nakkum kumtir lamah Los Angeles-ah episode paruk awmna season khatna production chu nakkum kumtir lama AMC-a tlangzarh turin neih ṭan a ni ang.

Series hi 'Friends' siamna studio, Warner Bros. Studios-a live studio audience hmaah shoot a ni ang. AMC Global Media chuan October thla hian, MIPCOM-ah international buyer-te tan series hi a pholang dawn a ni. Jim Patterson leh Matt Ross-te chu writer, executive producer leh co-showrunner an ni. Charlie hi executive producer zingah a tel bawk. 'Happy Jack' hi Charlie leh Martin-te thawh dunna tharlam ber niin, an pahnih hian 'Anger Management' ah an lo chang dun tawh bawk a ni. Hei bakah 'Wall Street' leh 'No Code of Conduct' ah pafa lemah an lo chang tawh a, 'Cadence', 'Free Money' leh 'Hot Shots Part Deux' ah an chang dun tawh bawk.