“God of War Laufey” nakkum Feb 16-ah tlangzarh dawn

PlayStation Santa Monica Studio chuan videio games ngaihven hlawh tak “God of War Laufey” chu nakkum February 16, 2027 hian tlangzarh an tum thu an puang. Pre-order hi September 29 aṭang khan kalpui ṭan a ni tawh bawk.

He action-adventure game hi prequel a ni a, Laufey 'Faye ti pawha hriat' chanchin lungchhiatthlak leh hmingthang tak tak hmanga duan a ni. A thih hnuah pathianho hmunpui Everywhen hmuna a thil tawn hrang hrangte tarlang thei tura duan a ni.

Pre-order lo tilawktute tan armor set, cosmetic appearance leh in-game resource pack-te a thlawna dawn theih a ni dawn a. Faye hmanraw thar cial em em ‘Serpent Bow’ phei chu Everywhen hmuna hman ṭangkai em em tur atana siam a ni a; he item thar hi player-te tan hnai leh hla taka awm misualte chak zawk leh rang zawka beih theihna thilpek a ni bawk.