'The Chairman' ah Eddie Murphy

American comedian leh actor, Eddie Murphy chu drama series 'The Chairman' ah a chang dawn. He series-ah hian Matthew Weiner chu creator a ni a, Peacock chuan a siam dawn a, project hi Murphy-a'n live-action scripted series-a a channa hmasa ber tur a ni.

He series thawnthu kimchang erawh puanzar a la ni lo a, Universal Television leh 101 Studios chuan an produce dawn a ni. 'The Chairman' hi Paramount boss hlui Chris McCarthy-a'n NBCUniversal nen inremna an siam hnua project hmasa ber a ni bawk. Murphy leh Weiner-te chu producer zingah an tel bawk.

Murphy hi khawvela comedian ngaihven hlawh leh ṭha ber zinga mi a ni chhunzawm zel a, kum 1980-1984 khan 'Saturday Night Live' a season paliah a inlan a ni.Hemi hnu aṭang hian comedy special leh movie-ah te a inlan ṭan a, film-a a chan tawhna zingah 'Beverly Hills Cop', 'Coming to America', 'Harlem Nights', 'Dr. Dolittle', 'Dreamgirls', 'Dolemite Is My Name' te an tel.