Nayeon leh Brazilian DJ Alok thawk dun

South Korean girl group TWICE member, Nayeon chuan Brazilian DJ Alok a thawhpuinain single thar a tichhuak. Topstar News report danin, he single thar 'Bye Bye Inhibitions' tih hi October 2 zanlaiah Korea leh ram pawna music platform hrang hrangah tlangzarh a ni.

DJ Alok hian September thla khan he hla hi Brazil-a Rio festival-ah a lo perform tawh a, Nayeon aw pawh pholan niin, official-a tlangzarh a nih hmain fan-te chuan an ngaihven ṭan tawh a ni. Nayeon hian ama pual YouTube channel 'IM NAYEON' tih siam tharin, a piancham lawmna atan fan event 'Bunny's Farm' tih a lo buatsaih tawh bawk a ni. Hetih lai hian TWICE chuan October 17 hian '2026 TWICE FAN PARTY ONCE UPON A THRI11' tih an buatsaih dawn bawk.