Eminem leh Nerd Clothing brand-te thawh dunna tlangzarh dawn

Khawvel rap music huanga thawm nei lian leh huhang ngah, Eminem leh streetwear leh pop culture fashion clothing brand NERD chu thawk dunin, limited edition merch collection chu karlehah khian an tlangzarh dawn. He merch thar hi New York Comic Con(NYCC) kar thara neih turah tlangzarh tum a ni.

He thawh dunna hnuaiah hian NYCC chuan NERD kutchhuak an original art work an rawn debut dawn a, limited edition an tlangzarh turah hian Eminem hming chuanna hrang hrang 16 tihchhuah tur niin, heng zingah hian original video game title hmingin New York artist Danny Cortes kuchhuak "Marshall's Massacre" clothing an tlangzarh dawn bawk.

Eminem leh NERD thawh dunna collection-te hi NERD booth NYCC a siam turah zawrh chhuah a ni dawn a, tihchhuah tur zingah hian skate desk, long-sleves tee, lightweight bomber jacket-te a tel dawn. An thawh dunna hi rimawi lam ai mahin comics, TV, film leh video games lam huangahte a ni dawn a ni.