James Bond film thar tur channa senso hautak

Nakkum April 3-a tihchhuah tur, James Bond film 'No Time To Die' channa senso chu, $mtd 250 niin James Bond film chan tawha senso hautak ber a la ni.

Kum 2015 November 20-a James Bond film 'Spectre' tihchhuah tak ai khan $mtd 5-in he film thar senso hi a tam zawk a ni. James Bond film thar tur senso a hautak em em chhan pakhat chu a changtupa ṭhin Daniel Craig hian kumdang aiin a hlawh hnem vang a ni. James Bond film-ah hian a changtupaah vawi nga a ṭanna tur a nih bakah, tun hi a chan hnuhnunna ber tur a ni tawh dawn.

'No Time to Die' direct tur hi American filmmaker Cary Joji Fukunaga a ni a, Screenplay hi Phoebe Waller-Bridge, Scott Z. Burns, Neal Purvis leh Robert Wade-ten an buaipui bawk. Nakkumah United Kingdom-a an tlangzarh hnuah, April 8-ah India leh US-a theater hrang hranga en theih tura ruahman a ni.