Korea Box Office No.1 ah 'The Assassin(s)'

South Korean box office chart tharah, South Korean crime political thriller film, 'The Assassin(s)' chu No.1 ah a awm. Film-ah hian Yoo Hae Jin, Park Hae II leh Lee Min Ho-te chu a changtu ber an ni. Korean Film Council enkawl tracking service KOBIS data tarlan danin, film hian kar hmasa chhung khan USD mtd 3 a la lut a, September 23-a tihchhuah a nih aṭangin USD mtd 16.3 a la lut tling der tawh a, entu mi mtd hnih chuang an awm tawh bawk.

Pahnihnaah September 30-a tihchhuah, 'Chiikawa the Movie: The Secret of the Mermaid Island' awmin, kar hmasa khan USD mtd 3.2 a lak luh belh a, sum a lak luh tawh zawng zawng chu USD mtd 4.7 a ni. Gambling crime drama, 'Tazza: The Song of Beelzebub' chu pathumnaah awmin, kar hmasa khan USD mtd 2.2 a lak luh belh a, sum a lak luh tawh zawng zawng chu USD mtd 10.2 a ni. 'The Odyssey' pawh palinaah la awmin, USD mtd 1.2 a lak luh belh a, sum a lak luh tawh zawng zawng chu USD mtd 101.2 a ni. Action fantasy 'Reawakened Man' chu panganaah langin, USD 885,217 lak luh belhin, USD mtd 1.4 a hmu chhuak tawh a ni.