Bollywood veteran actor Nana Patekar a thi

Bollywood veteran actor, Nana Patekar chu nimin zing khan Goa-ah kum 75 mi niin heart attack vangin a thi a, nimin tlai khan Pune khaw daia a farmhouse-ah vui a ni.

Nana Patekar hi Hindi leh Marathi film eng emaw zatah a chang a, Hindi movie a channa lar zual zingah 'Parinda', 'Prahaar: The Final Act', 'Tirangaa', 'Krantiveer' leh 'Khamoshi : The Musical' te an tel. National Film Award pathum a dawng a, hei bakah Filmfare Awards, Maharashtra State Film Award leh Film fare Award Marathi eng emaw zat a dawng bawk. Sorkarin civil mite chawimawina sang a pek zinga mi, Padhma Shri pawh a dawng bawk a ni.

Patekar hi lemchan bakah mi dang ṭanpuina kawngah pawh a thawk nasa hle. NAAM Foundation kaltlangin Maharashtra-a Marathwada biala loneitu chhungkaw, eizawngtu ber intihlumte chhawmdawlna atan thawkin, a thlawna damdawi lam enkawlna an dawn theihna tur intihlum awmna chhungkua nu berte hnenah Aarogya card a pe a, naupangte lehkha zirna turin a pui bawk ṭhin.