Meta-in naupang tana Ads him lo hmu thei AI tool tlangzarh

Khawvel huap social media platform lian neitu, Meta chuan naupang himna lam pe ṭha tawk lo vanga puhna leh khinna hrang hrang an dawn hnuah, Nilaini khan mipat hmeichhiatna lam rawngkaia naupang hruaisual thei Ads hmuchhuak thei tur AI tools an tlangzarh. Heng AI tool tharte hi Meta platform - Facebook leh Instagram-ahte kumin chhungin hman ṭan tum a ni.

Company chuan content ṭha lo 97% chuang chu user lamin an report hmain an system hian a lo hmu chhuak hman tih a sawi. Meta chuan an AI tool hian user-te chu Ads aṭanga pawi lo anga lang, mahse, han belhchiana Meta platform pawn lama dan phal loh content lama hruai kawi ta daih ṭhin ang chi hmuhchhuahna tura duan a nih thu an sawi. Meta hian naupang himna kawnga khinna a tawh tak zeuh zeuh hnuah naupang himna tur hian kawng hrang hrangin hma an la zui ta niin a lang.