'Jailer 2' tlangzarh hmain Rs vbc 22 hmu chhuak tawh

Tamil-language action comedy film, 'Jailer 2' chu kumin October 15 hian khawvel pum theatre-ah tlangzarh tura ruahman a ni a, tlangzarh a nih hma hian advance booking aṭangin global box office-ah Rs vbc 22 chuang a hmu chhuak der tawh. He film hi kum 2023-a tihchhuah 'Jailer' sequel a ni a, Nelson Dilipkumar chu director a ni.

'Jailer 2' hi tlangzarh a nih hma ni linaah worldwide box office-ah Rs vbc 22.32 a la lut tawh a, a tam zawk hi ram pawn aṭanga booking na niin, Rs vbc 17 a hmuchhuak a ni. Ramchhungah tun thlengin Rs vbc 5.32 hmuhchhuah a ni tawh bawk. Screen 2,674-a tihchhuah tura ticket nuai 2.9 hralh chhuah aṭangin Rs vbc 5.32 a la lut a, Tamil Nadu aṭangin ticket leitu an tam ber a, Rs vbc 5.05 an hmuchhuak a, Karnataka aṭangin Rs nuai 25.96 hmuhchhuah a ni bawk.