World Soundtrack Awards: 'Golden' ala Golden reng e!

Khawvela film leh animation hrang hrang aṭanga soundtrack hmante puala chawimawina buatsaih 'World Soundtrack Awards' chu Inrinni liam ta khan Film Fest Gent neihnaa WSA Ceremony & Concert, Belgium-a neihah sem a ni. Awards semnaah hian KPop Demon Hunters aṭanga khawvel hriat hlawh fictional girl group HUNTR/X hla 'Golden' chuan Golden Globe, Grammy leh Oscar-te an dawn hnuah 'Best original Song' an dawng leh thei.

Bristist composer Daniel Pemberton chu a sulhnu hmanna film hrang hrang 'Project Hail Mary', 'The Drama', 'The Bad Guys 2' leh 'Masters of the Universe' a a rimawi kutchhuakte hmangin 'Film composer of the Year' a dawng. Jeff Russo chu Alien: Earth, Cape Fear and Citadel (Season 2) filma a kuthnu avangin 'Television composer of the Year' hlan a ni bawk.

'Discovery of the Year' chu Hannah Pell hnenah hlan niin, Kevin Smither pawh 'Soy Frankelda' a a kutchhuak avangin 'Public Choice Awards' a dawng ve bawk. World Soundtrack Awards hi kumin hi ṭum 26 semna niin kum 2001 aṭang khan Film Fest Gent-ah hian sem ṭan a lo ni tawh a ni.