'Drishyam: The Conclusion' che ṭha

Indian Hindi-language crime thriller film, Ajay Devgn channa 'Drishyam: The Conclusion' chu kumin October 2-a tihchhuah a nih hnuah a che ṭha hle. Ajay Devgn hian film a chan tawhnaa a la chet ṭhat pui ber niin, ramchhungah Rs vbc 300 chuang a hmuchhuak tawh. Tihchhuah a nih aṭanga ni 10 hnuah ramchhungah Rs vbc 22.50 a la lut thei a, sum a lak luh tawh zawng zawng chu Rs vbc 370.80 a tling tawh niin Sacnilk report chuan a tarlang.

'Drishyam: The Conclusion' hi ram pawn lamah pawh a che ṭha hle a, ni 10 chhungin Rs vbc 6 a hmu chhuak thei bawk. He film tihchhuah hma hian Devgn channa 'Tanhaji: The Unsung Warrior' chuan ramchhungah Rs vbc 279.59 la lutin, khawvel pumah Rs vbc 376.65 a la lut tling bawk. 'Drishyam: The Conclusion' hi Abhishek Pathak direct a ni a, Devgn hi Vijay Salgaonkar lemah a chang a, Tabu chu Meera Deshmukh lemah changin, Jaideep Ahlawat chu SP Rajveer Singh Tomar lemah a chang a ni.