Gunna-a'n company thar hawng dawn

American rapper leh singer, Gunna chuan company thar SB the Label tih chu Atlantic Music Group a thawhpuinain a hawng dawn. Grammy-a vawi thum nominate lo ni tawh Gunna hi label CEO a ni dawn a, Atlanta huam chhunga artist pathum an inziak lut tawh.

Gunna hian a album tihchhuah hnuhnung pathumte chu Billboard 200 Top 3-ah a lanpui vek thei a, kum 2020-a a tihchhuah 'Wunna' leh kum 2022-a tihchhuah 'DS4EVER' te chu No.1 a a nih pui thei a ni. Gunna chuan SB the Label chu a hmachhawp a tihpuitlinna a nih thu a sawi a, Casper Bluff, Nechie leh Dracc-te chu a label hnuaia inziak lut tawh zingah an tel tih a sawi.

Atlantic Music Group nen an thawhdun bakah, single thar 'Pop It' a tichhuak bawk a, studio album thar 'Splurge' tihchhuah a ni dawn tih a sawi hnuah Spike Jordan-a direct music video a tichhuak bawk a ni. Atlantic Music Group chairman leh CEO, Elliot Grainge chuan Gunna an thawhpui tur chu an phur tawh thu leh, thawhpui tura AMG a thlan avangin lawmthu a sawi bawk.