Lego-in fan-te tan Marvel leh Star Wars crossover design inel buatsaih

Khawvel huapa toy company lian, Lego chuan New York Comi Con hman mekah Inrinni liam ta khan Lego builder-te chu Marvel leh Star Wars character-te insiam siakna tur buatsaih a nih dawn thu an puang. He Lego building intihsiaknaa an thil siam ṭha ber thlan chhuah chu Lego official set-ah hman a nih tur thu tarlangin, inelna hi Disney enkawl franchise hmanga fan-te tana cross-universe creation inelna an buatsaih hmasak berna tur a ni.

Fan-te chu category pathum vehicle, character leh Scene-te anmahni kutchhuak ngei hmanga siam tur niin, Marvel leh Star Wars character bakah an hmanrua hrang hrangte, super-hero technology-te mahni suangtuahna anga siam a ngai dawn a ni. Tel duhte tan mahni kutchhuakte chu Lego Ideas platform-ah thehluh theih niin fan voting hmangin December 8 aṭangin vote hmanga thlan a ni ang. Grand Prize dawng tura thlan chhuah chu nakkum 2027 khian puan a ni dawn a, design winner chu Lego official product atan siam a ni zui bawk ang.