'Moana' Live-action remake Disney+ ah tlangzarh dawn

Animation film hit leh Disney kutchhuak life action thar ber ni bawk, 'Moana' life-action hi kumin July 26 khan tlangzarh niin, animation ang em chuan a che ṭha zui lem lo. October 21 khian Disney+ ah duh hun huna en theih tura dah a ni dawn.

Moana live-action-ah hian lemchan huanga a bul ṭanna ni turin Catherine Laga’aia chuan Moana lem a rawn chang a, animation-a Demigod Maui aw thawhtu Dwayne Johnson vekin Maui lem hi a chang bawk. Live action-ah hian thil thar danglam scene siam belh a ni lo a animation story kalhmang nen a inang deuh vek bawk.

Moana story hi Polynesian hmanlai thawnthu behchhana siam niin, an hnam hi khawmual hrang hranga pemkual ṭhin an ni. Mahse, kum 1000 chhung pem kual loa hmun ngaia an awm reng nachhan archaeologist ten an zirna, 'The Long Pause' an tih chungchang behchhana siam niin fictional island, Motunui pawh hi a taka awm Fiji, Samoa, leh Tonga hmunte entawna siam an ni nghe nghe.