EverHome Youth Icon 2026-ah judge ngaite ṭhu leh dawn

EverHome Youth Icon 2026 intihsiakna neih meka endiktu turte chu tihchian niin, kum 2024-a judge lo ni tawh mi pathum - Victor Vanlalhruaia, Rosy K. Remsangpuii Andrew Laltlankima ten zai intihsiak hi an endik leh dawn.

Victor hi rimawi tum thiam, rimawi leh zai intihsiak endik kawnga tawn hriat ngah tak niin, Rosy hi gospel singer lar, zai intihsiak endik kawnga tawn hriat ngah, Youth Icon judge pawh lo ni fo tawh a ni. Andrew pawh Mizo zaithiam lar, hla phuah thiam leh rimawi khawvela tawn hriat nei ṭha tak a ni.

LPS buatsaih zai intihsiakna neih mekah hian application form lak chhuah ngai loin virtual audition hmangin, October ni 24 thleng mahni zai video theh luh theih a ni. Mizoram chhung leh state pawn aṭangin mi ṭhahnem takin an zai video an theh lut tawh a ni. Audition Round paltlangte hian November ni 3 aṭangin 1st Round intihsiak an hmachhawn ang. EverHome Youth Icon 2026-a pakhatna hian Rs. nuai 2 a dawng dawn a, pahnihnain Rs. nuai 1 leh pathumnain Rs 70,000 a dawng ang.