Tupac Shakur thah thubuaiah Duane Davis kum 40 tang turin hrem

American rapper lar, Tupac Shakur, kum 1996-a kahhlum a nihna ruahmantua puh, kum 63 mi Duane 'Keffe D' Davis chu thiam loh chantir niin, kum 40 chhung lung in tang tura hrem a ni. Davis hi Thawhlehni khan Nevada court-ah inlanin, judge chuan first-degree murder thubuaiah kum 20 chhung tang tura hremna a pe a, ralthuam hmanga pawikhawihna avangin kum 20 dang tang turin a hrem bawk.

Kumin August thla tawp lam khan Davis hi Tupac Shakur kahhlum a nih theihna tura criminal gang a puih avangin thiam loh chantir a lo ni tawh a ni. Kar khat chhung Las Vegas-ah a thubuai ngaihtuah niin, prosecutor-te leh police-te chuan Las Vegas-a kum 1996 September 7-a Paradise, Nevada-a Shakur kahhlumna ruahmantu a nih thu an sawi. Shakur kahhlumna tura silai an hman hi a kaphlumtu Orlando 'Baby Lane' Anderson emaw, car hnunga ṭhu hnenah emaw a pe nia sawi a ni. Davis hian police, television, lehkhabu leh YouTube interviewer-te hnenah Tupar Shakur kahhlumnaa mawhphurtu a nih thu hi a lo sawilang fo tawh bawk a ni.