Akshay Kumar-a'n a music video hmasa ber tichhuak
Bollywood actor Akshay Kumar chuan November 9 khan a music video hmasa ber 'Filhall' chu mipuite en theih turin YouTube lamah a chhawp chhuak.
A music video tharah hian Bollywood actress Kriti Sanon farnu kum 23 mi Nupur Sanon chu model-ah a hmang a, nimin thleng khan mi maktaduai 35 chuangin an thlir tawh. 'Filhall' hi Jaani phuah a ni a, Akshay Kumar hian a hla hi a sa tak tak lo a, Punjabi singer B Praak chuan sain, anni hian an lo phunrem a ni ber.
Nupur Sanon hi kan hre lar vak lo mai thei a, Mizo ṭhalai tam takte zirchhuahna University of Delhi aṭanga graduate a ni. A hla tihchhuah thar hi inngaihzawnna lam hla a nih a, inṭhenna rilru natna lam hla a ni bawk.