Getty Images-in Bankruptcy file tum

Visual content leh thlalak hrang hrang pe chhuaktu lar, Getty Images chu kumin June thlaa an elpui ber Shutterstock nena inthlunzawmna tura tih USD tld 3.7 an hnawl hnuah an company sum lak luh tlahniam zel avangin an tlachhia tiin, Chapter 11 Bankrupcy file an tum thu an puang. Mimal enkawl private company anga kal leh an tum niin an tarlang.

Private anga kal leh tur hian Getty Immage leh Charles Koch-a investment firm 'Koch Equity Development' nen thawk dunin USD mtd 533 hu equity thar chhunluh an tiam. Hemi hmang hian restructuring support agreement siamin, restructuring fel taka kal pui a nih theih nan leh tlukchhiatna laka hum a nih nan hma lak chhunzawm zel a ni dawn a ni.

Heng harsatna hmachhawn a nih lai hian, Getty Images CEO Craig Peters chuan company kalphung leh thawktute, contributor-te, thawhpuite leh hmangtute chu harsatna engmah a thlen loh tur thu leh pangngai taka sumdawnnaa hma a lak tur thu a puang. He hmalakna hian dinhmun nghet taka siam lehna tur leh chak taka an kal leh theih nan hun ṭha a siamsak ngei a beisei thu a sawi.