Actor Imran khan India chhuahsan turin hriattir

American-born Indian actor leh filmmaker ni bawk, Imran khan chu tun hnaia Mumbai leh a chheh vela satirical political group Coackroach Janta Party (CJP) in an buatsaih nawrh huaihawtnaa a tel ve avangin Mumbai police-te chuan October 28 ral hmaa India chhuahsan turin an hriattir.

Tarlan danin Imran Khan hi India khua leh tui pangngai ni loin Overseas Citizen of India (OCI) card nei a ni. Hemi avang hian nawrh huaihawtnaa a tel ve hi Immigration Act kalh a nih thu police lam hian an tarlang. India chhuahsan tura hriattirna hi 'Immigration and foreigners Act, 2025 tlawhchhana tihchhuah niin October 10 a punkhawm huaihawta a tel ve vang tih tarlan a ni bawk. Khan chuan India ram chhuahsan tura Mumbai police-ten hriattirna an pek hi Mumbai High Court-ah khin let a tum tih a sawi. OCI cardholder te boruak muanawm tak hnuaia nawrh huaihawtnaa tel khapna dan a awm lo tih a tarlang.Imran Khan hi Bollywood superstar, Aamir Khan-a nena chhungkhat hnaivai tak niin, Hindi film eng emaw zatah a chang tawh a ni.