Zach Bryan-a'n stadium tour neih hun tur puang

American country singer, Zach Bryan chuan EP 'Young Manhood and Other Donatable Organs' a tichhuak dawn tih a puan hnu aṭanga rei loteah nakkum hian North America leh Australia-ah stadium tour a nei dawn tih a puang zui leh nghal. Bryan tour hi AEG Presents chuan an buaipui dawn a, stadium 19-ah show vawi 23 a nei ang. Show-ah hian John Fogerty, Ryan Bingham and the Texas Gentlemen, Vance Joy, Fey Fili, Gabriella Rose leh Emma Ogier-te an inlan dawn a ni. North American leg khuh hawnna hi nakkum April 28 hian US Bank Stadium, Minneapolis-ah a nei ang.

Bryan hi touring powerhouse a ni a, Billboard 2025 year end Boxscore Top Tours chart-ah khan No 13-na niin, a tour neiha ticket 941,000 hralh chhuah aṭangin USD mtd 159.6 a la lut thei.