Toca Boca World Gaming App-ah 'KPop Demon Hunters'

Toca Boca World storytelling gaming app-ah naupangte tan animated movie lar, 'KPop Demon Hunters' khelh theiha chhawp chhuah a ni dawn. He game hi Netflix nen an thawh dunnaa tihchhuah tur a ni. Toca Boca World x 'KPop Demon Hunters' hi October 27 hian tlangzarh a ni dawn a, movie-a character-te a awm kim hle dawn a ni.

He app hi toy leh entertainment company Spin Master-a digital studio Toca Boca siam a ni a, 'KPop Demon Hunters' character-te nitin nunphung leh K-pop stage-te pholan a ni ang. Player-te chuan storytelling lamah anmahni duh dan angin character-te an siksawi thei dawn. Game-ah hian movie-a hlate chu feature langsar ber an ni dawn a, Toca Boca World chuan music player thar an tlangzarh dawn a, chung zingah chuan hla pali- 'Golden', 'How It's Done', 'Soda Pop' leh 'Your Idol' te pawh a tel dawn. Toca Boca World app hi naupangte tana duan a ni a, player mtd 60 dawn an awm.