Harry Styles-a'n Liam Payne tana a hla phuah tichhuak

English singer-songwriter leh actor, Harry Styles chuan Zirtawpni liam ta zana New York-a Madison Square Garden-a residency show a neihah, One Direction-a a bandmate hlui, kum 2024 October 16-a thi ta Liam Payne hriatrengna atana a hla phuah 'What Is Enough' a premiere. He hla hi kum hnih liam taa a phuah a ni a, kum 2024 November 20-a Liam vuina hun an hman chungchangte pawh a tel.

Styles-a'n Madison Square Garden-a residency a neihna hi documentary-a siam a ni dawn a, documentary filmmaker John Wilson chuan a siam dawn a ni. Wilson chuan kumin August thla aṭang khan MSG-a Styles-a'n show a neihna hi documentary-a siam turin footage a lo la tawh bawk. Project-ah hian Universal Pictures Content Froup, Peanut World Pictures leh Styles-te chu producer an ni. UPCG chuan he film hi khawvel puma tihchhuah turin global rights an nei a, pek chhuah dan tur erawh ruahmanna kalpui mek a ni a, Universal kaltlangin theatre-a tlangzarh tura ruahman a ni.