Victoria's Secrets fashion Show 2026: Kylie Jenner Fantasy Bra in sawi zui hlawh

Kumtina neih ṭhin, Victoria's Secrets Fashion Show chu hmun danga buatsaih a nih aṭanga kum 19 hnuah October 18, Pathianni zan khan Los Angeles-a Sony Pictures Studios-ah neih a ni.

Show-ah hian Victoria's Secret Angels hlui - Adriana Lima, Alessandra Ambrosio, Barbara Palvin, Behati Prinsloo, Candice Swanepoel, Doutzen Kroes, Elsa Hosk, Grace Elizabeth, Jasmine Tookes leh Rosie Huntington-Whiteley-te an inlan a; Victoria's Secret veteran model Gigi Hadid, Joan Smalls, Imaan Hammam, Irina Shayk, Liu Wen leh Cindy Bruna-te bakah model lar eng emaw zat an inlan bawk.

Kumin show-ah hian American socialite leh businesswoman, Kylie Jenner chu a vawi khatna atan inlanin, USD mtd 50 man Fantasy Bra hak tir a ni. He bra hi diamond-a thuam a ni a, high-jewellery designer Jacob Arabo design a ni. Show neih hma aṭangin model zingah Fantasy Bra ha tur inrinsiakna nasa tak a awm a, hetih laia Kylia Jenner an hak tir daih hian sawizui leh sel pawh a hlawh hle. Mahse, Victoria'a Secret chief creative officer, Adam Selman chuan Fantasy Bra ha tura Jenner an thlan chhan sawiin, Kylie chu fashion, culture leh TV-ah huang a zauh nasat avanga thawhpui an nih thu a sawi.