China box office: No.1 ah 'Resident Evil' awm chhunzawm

China box office chart tharah, Constantin Film leh Sony Pictures horror reboot, 'Resident Evil' chu a kar hnihna atan No.1 ah a la awm chhunzawm. Kar hmasa chhung khan RMB mtd 62.5 (USD mtd 9.3) a lak luh belh tih Artisan Gateway chuan tarlangin, sum a lak luh tawh zawng zawng chu USD mtd 55.8 a ni.

Crime procedural drama, 'Traces of Justice' pawh pahnihnaah la awmin, USD mtd 6.8 a lak luh belh a, October 1-a tlangzarh a nih aṭangin USD mtd 84.6 a la lut tawh a ni. Pathumnaah local body-swap comedy, 'Mr. & Mrs. Pardon' awmin, USD mtd 4.1 a lak luh belh a, October 1-a premiere a nih aṭangin USD mtd 50.9 a la lut tawh bawk. War comedy-drama 'Once Upon a Time in the Middle East' chu palinaah awmin, USD 900,000 a lak luh belh a, August 11-a tihchhuah a nih aṭangin USD mtd 354.3 a la lut tawh a ni. Panganaah historical animated epic, 'Three Kingdoms: The Beginning' awmin, USD 800,000 a lak luh belh a, sum a lak luh tawh zawng zawng chu USD mtd 14.7 a tling.