Slipknot show-a Marilyn Manson perform tir lo turin ngen

English politician, Brent Liberal Democrats hruaitu, Anton Georgiou chuan nakkuma Wembley Stadium-a Slipknot show neih tura Marilyn Manson inlan ve tur chu cancel turin Stadium hnenah a ngen.

Georgiou chuan Manson hi kum eng emaw liam tawh aṭangin mipat hmeichhiat lam hawia mawi lo taka chea puhna hrang hrang a awm a, heti chunga Stadium-a perform phalsak chu tihawm lo tak a nih thu a sawi. Stadium chuan supporting act-te hi artist leh show promoter-te thlan an nih thu a sawi. Kum 2025 khan Brighton, England-a Manson concert neih tur chu duh lohna lantir a nih avangin cancel a ni lo tawh bawk a ni.

Slipknot hian nakkum July 3-ah Wembley-ah hian show an nei dawn a, he hunah hian Manson bakah Hatebreed leh Lorna Shore te pawh an perform dawn a ni. Slipknot fan zingah ngei pawh Manson perform ve tur hi duh lo an tam hle.