Spotify-a rock/metal artist stream tam ber Linkin Park

Audio streaming platform lian, Spotify-ah kumin October thla thlenga rock/metal artist stream ngah ber chu American rock band, kum 1996-a din Linkin Park niin, global ranking-ah 30-na an ni pha bawk.

Linking Park hian Spotify-ah an hla hrang hrangte chu stream tld 34.9 an nei tawh a ni. Queen chu rock/metal artist zinga stream ngah ber dawttu niin, stream tld 30 an nei tawh bawk. Arctic Monkeys-in stream tld 29.2 neiin, The Beatles-in stream tld 26.9, Twenty One Pilot-in tld 22.9, Red Hot Chilli Peppers-in tld 22.7, Metallica-in tld 19.2, AC/DC-in tld 17.6, Fleetwood Mac in tld 17.4 leh Radiohead-in stream tld 17.3 an nei pha bawk.

Spotify hi kum 2006, April thlaa Sweden-a Daniel Ek leh Martin Lorentzon ten an din niin, a hnu kum hnihah Europe lamah huang an zauh a, US-ah kum 2011 khan an lut. Tunah hian monthly active user hi mtd 800 dawn awmin, paying subscriber hi mtd 300 chuang an nei bawk a ni.