'Jean' film-ah Kid Cudi

American rapper Kid Cudi chuan a film ziah leh direct, 'Jean' tihah American artist leh painter lar Jean-Michel Basquait lemah a chang dawn tih a puang. He thu hi a social media-ah puangin, nakkumah shooting neih ṭan a nih tur thu a tarlang. Cudi chuan he film a ziah chungchangah harsatna tawk mah se, research nasa taka a beih thu leh, lehkhabu tam tak a rawn bakah Jean hretute biakna a nei tih a sawi.

Cudi chuan Jean chanchin mipui hriat a la puanzar ngai lohte chhawp chhuah a nih tur thu leh, film chu Jean ngainatute tan a hlan tih a sawi. Cudi hian lemchan lamah kum eng emaw zat liam ta aṭang khan a huang zauhin, 'Bill & Ted Face the Music' leh 'House Party' a a chan bakah, 'X', 'Pearl' leh 'MaXXXine' ahte a inlan tawh. Hei bakah feature film 'Doe' tihah a chang bawk a, film hi Los Angeles-ah kumin kumtir lam khan production neih ṭan a ni a, horror thriller 'Wrong Number' a direct dawn bakah Barbie Ferreira nen an chang dun dawn a ni.