Raye-i'n Mercury Prize a dawng

British singer-songwriter Raye chuan a studio album pahnihna, 'This Music May Contain Hope' tih hmangin Mercury prize a dawng a, Olivia Dean, Paul McCartney leh mi dangte a khum. Kumin Mercury Prize hlanna hun hi Newcastle-a Utilita Arena-ah neih a ni.

Mercury Prize hi U.K leh Ireland aṭanga tihchhuah, album ṭha bera thlan hnenah hlan ṭhin a ni. He prize dawng tawh zingah Arlo Parks, Little Simz, the XX leh James Blake te an tel.

Kuminah Raye hian nominee dang Dave, Dove Ellis, Florence + the Machine, Jade, Knats, Kojey Radical, Nia Archives, Olivia Dean, Paul McCartney, Suede leh War Child-te khumin chawimawina hi a dawng a ni. Raye album-ah hian section pali awmin, minute 73-a thui a ni a, hla 17 a awm bawk. Album hi kumin March thla khan tlangzarh a ni a, UK chart-ah pakhatna dinhmun luahin, critic-te fak a hlawh hle bawk a ni.