Neil Young-a'n USD mtd 10 chawi turin Trump a khing

Canadian-American singer-songwriter, Neil Young chuan America president Donald J. Trump political action committee leh Trump 47 Committee Inc. chu Thawhṭanni khan USD mtd 10 chawi turin Virginia-a U.S. district court-ah a khing. Young-a hla 'Rockin’ in the Free World' chu midterm election rally-a President walkup music atana hman a ni a, hei vang hian Young chuan copyright bawhchhiatna a ni tiin a khing a ni. Young hian kum 2020 khan he hla hman a nih avangin Trump-a lakah thubuai a lo theh lut tawh bawk.

He hla hi October 12 khan Ohio-a Youngstown-a president rally neihah play a ni a, hei bakah mid-term inthlan awm turah Republican-te lam chet chhuahnaah vawi tam tak play a ni bawk. He hla hman dawn hian license neih a ngai a, Young chuan phalna a pe lo bawk a ni. Hemi chungchangah hian Trump political action committee chuan thiamthu sawi tur an neih loh thu leh, 'Rockin’ in the Free World' hi Young-a phalna leh licence tel loa hman a ni tawh dawn lo tih an tiam a ni.