Junior MasterChef Australia-ah Meghan

Duchess of Sussex Meghan chu Junior MasterChef Australia season tharah co-host atan ruat a ni. Meghan hi nakkuma series tihchhuah turah special guest a ni dawn a, host Poh Ling Yeow nen an inlan dawn a ni. Meghan hi nikum khan MasterChef Australia-ah guest judge a lo ni tawh bawk.

Australia-a Network 10 chuan, Junior MasterChef season thara Meghan co-host tur chungchangah hian hlawh a neih dawn leh dawn loh an puangzar lo. Thuchhuah a siamah, Meghan chuan a fate nena ei siam nuam a tih thu leh, ṭhalai la naupang tak takte nena hun hman ho a chak tawh thu a tarlang. Kumin August thla khan Meghan leh a pasal Prince Harry-te chuan kum 2020 March thlaa California-a an pem hnuah UK-ah an let leh tawh tih an puang.

Meghan hian Netflix-ah lifestyle leh cookery show, 'With Love, Meghan' tih a kalpui a, series pahnih leh Christmas special siam niin, entu erawh an tam lem lo. March thla khan an thawh dunna an titawp. Hemi hnu hian lifestyle brand As Ever a tlangzarh leh a ni.