Super Bowl half-time show 2027 headliner Jay-Z

National Football League (NLF) chuan 2027 Super Bowl half-time show headliner-ah rapper Jay-Z a ni dawn tih a puang.

Jay-Z company, Roc Nation hian kum 2019 aṭangin half-time show hi an produce tawh a, show-a perform tur thlannaah pawh mi pawimawh tak a ni. Mahse, NFL championship game ah hian amah hi a la perform ve lo thung. NLF commissoner Roger Goodell chuan Roc Nation nena inremna an siam tirhah Jay-Z chu amahin hun a tihah stage-a inlan ve ngei tura ngenna a siam thu a tarlang. Kum sarih an thawh ho hnuah a perform ve dawn ta a ni.

Nakkum February 14 hian Los Angeles-a SoFi Stadium-ah Super Bowl LXI hi neih a ni dawn a, Jay-Z hian guest artist tute nge a neih dawn tih sawilan a la ni lo.

Super Bowl half-time show-ah hian Bad Bunny, Kendrick Lamar, Usher, Rihanna leh The Weeknd te pawh an lo perform tawh a ni. Kum 2025-a Kendrick Lamar performance kha Super Bowl half-time show neih tawha thlirtu ngah ber niin, outstanding music direction-ah Emmy award a dawn phah hial a ni.