IG-in feature thar 90 minute horizontal video enchhin mek

Meta enkawl social media platform, Instagram chuan an platform kaltlanga creator-te huang zauhna turin video rei chi, horizontal-a en theihna tur feature thar an enchhin mek tih an puang. He product thar hmang hian IG platform lama creator-te chuan an video emaw podcast emaw chu rei zawk en theihna an siam thei dawn a, a hmingah 'Features' tih an vuah.

Features hi Thawṭanni aṭang khan US-a creator thlanchhuah bikah enchhinna kalpui ṭan a ni. He product thar enchhin mek hi podcaster, comedian leh video siam ṭhin creator-te tana samkhai zawka hman theih tur a ni. Reels tawi kan en ṭhin chu platform-ah hian thui zawka en theih tura chhawp chhuah theih a ni dawn.

Long form video-te hi user-te account explore-ah pawh tarlan ṭhin a ni bawk ang.