US-a 'Ramayana' premiere-naah Ranbir Kapoor, Yash leh Sai Pallavi

Indian Hindi-language epic mythological film, 'Ramayana' part 1 chu Los Angeles-a Academy Museum of Motion Pictures-a David Geffen Theatre-ah Thawhlehni khan premiere a ni a, he hunah hian a changtu Ranbir Kapoor, Yash leh Sai Pallavi-te an tel. Anni bakah producer Namit Malhotra leh director Nitesh Tiwari-te pawh an tel a ni. 'Ramayana' instalment hmasa zawk hi kumin November 5-ah theatre-ah tlangzarh tura ruahman a ni a, part hnihna hi nakkum Diwali-ah tlangzarh tum a ni.

'Ramayana' hi Malhotra Prime Focus Studios chuan DNEG leh Monster Mind Creations a thawhpuinaa a produce a ni a, Indian film siam tawh zinga sum sen tamna ber pawl niin, film part pahnih siamna atan Rs vbc 4,000 chuang sen a ni. Yash chu Ravana lemah changin, Ravie Dubey chu Lakshman lemah a chang bawk. Premiere-naah hian Yash chuan, film chu India hnam ziarang pholanna a nih thu a sawi.