'Snakes and Ladders' ah Mizo film award dawng tawh mi 7 inlan

Nexgen Production film hmasa ber tur, 'Snakes and Ladders' chu tihchhuah a ni dawn hnai tawh a, he film-ah hian Mizo Film Award dawng tawh mi pasarih an inlan dawn.

'Snakes and Ladders' ah hian 2025-a Mizo Film Award-a best actor leh best actress, Gilbert Colney leh Rosy Lalramthlengi te an chang dun a, film pakhata an chang dun thei hi Mizo film ngainatute tan chanchin lawmawm a ni ngei ang. Anni bakah award lo dawng tawh dang, lemchan lama kan hriat lar tak tak - Lalduhawma, Laraw Colney, RC Khiangte, Makima Chawngthu leh K. Vanlalawmpuia te an chang bawk. Actor ṭha leh tawnhriat nei ṭha, Sangtea Chhangte pawhin role pawimawh tak a chang dawn bawk a ni.

Mizo lemchan thiam rual film pakhata kan hmu thei tur hian en a tichakawm zual tawh hle a, changtu ṭha tak takte bakah Mizo Film Award-a Best Cinematographer dawngtu, Isaac Lalchhanpuia chu Director of Photography (DoP) a ni bawk.