Ireland-ah 'GTA VI' pawisa hlawhin khelh tir dawn

Kumin chhunga video game tihchhuah tura thawm nei lian, 'Grand Theft Auto VI' (GTA 6) chu tihchhuah a nih hunah Ireland-a TV leh Broadband provider lian, Virgin Media chuan game promote-na leh gamer-te aṭanga tlang taka thlirlawkna an neihte hriat theihna turin pawisa hlawhtin a khelh tir dawn. Darkar khata USD 100 hlawh theihna turin, fan-te feedback hriatna atan GTV 6 khelhna hun hi a buatsaih dawn a ni.

Virgin Media chuansum hlawh theihna hi Ireland khua leh tuite tan bik chauh a hawng thung a, khel duhte chuan November 15 thleng hming theh luh hun hawngin, hming theh lut zinga winner hi darkar 8 chhung GTA 6 hi review pe tura khelh tir an ni dawn a ni. Darkar 8 chhung hi a zawna khelh kher ngai lo niin mahni remchan danin khelh theih a ni ang.

He thil hi he games hian hype a nasat ang hi a phak em tihte hriatna tura a nih thu sawiin, mi tam takin a nghahhlelh em em tlangzarh tur atana hma latu nih ve chu thil phurawm tak a nih thu an tarlang bawk. GTA 6 hi November 19 khian tlangzarh a ni dawn a, game trailer hian YouTube ringawtah pawh view maktaduai 300 a nei tling.