Patrick Stewart-a'n uitu a ngah

English actor, 'Star Trek' leh 'X-Men' hmanga khawvel hriat hlawh Patrick Stewart chu Nilaini, October 28 khan Los Angeles-a a chenna inah kum 86 mi niin Alzheimer leh Lewy Body Dementia natna vangin a thi a, hmun hrang hrang aṭangin uitu a ngah hle.

Patrick Stewart hian talent ropui tak neiin, film a channa genre hrang hrangah performance ropui tak a nei thei zel. Marvel Cinematic Universe mai bakah, science fiction lamah a hming a chher hle bawk.

Stewart hi lemchan piah lamah mi dangte tana mi inpe tak niin, human rights chawikan, inchhunga tihduhdah tuarte leh refugee-te ṭanpuina leh mental health service lamah a tha a thawh nasa hle. Dikna ngaina mi, mi dangte khawngaihna leh lainatna ngah mi tia hriat hlawh tak a ni. Amah hi motor sports enthusiast leh Huddersfield football fan a ni.

'Star Trek' film franchise-a Captain Jean-Luc Picard lem a chan chu Stewart hian a larpui a, award pawh eng emaw zat a dawng a ni. Star Trek series-ah hian kum 1987 aṭangin a chang ṭan a, 1987-1994 inkar khan epidose 170 chuang leh, feature film paliaah a chang. Kum 2020-2023 khan 'Star Trek: Picard' ah a inlan leh bawk.

'X-Men' film franchise-ah Stewart hi professor Xavier lemah a chang bawk a, kumin December-a tihchhuah tur 'Avengers: Doomsday' ah pawh a role ngai hi a chang leh a ni. Kum 2020 khan drama lama a thawh hlawk avangin Britain lalnu, Queen Elizabeth II chuan Bukingham Palace-ah Knight nihna a lo hlan tawh a, Sir Patrcik Stewart tih a ni tawh a ni.