'Jailer 2' box office-ah a che ṭha

Indian Tamil-language action comedy film, 'Jailer 2' chu Inrinni liam ta, October 17 khan box office-ah a che ṭha hle a, October 15-a tihchhuah a nih aṭanga ni 17 liam hnuah India-ah Rs vbc 9.35 a lak luh belh a, ramchhunga sum a lak luh tawh zawng zawng chu Rs vbc 520.35 a tling tawh.

Film hi international market-ah pawh a che ṭha hle a, Inrinni thleng khan ram pawn aṭangin Rs vbc 3 a hmuchhuak tawh. Ram pawn lam aṭanga sum a lak luh tawh zat chu Rs vbc 270.50 niin, khawvel puma sum a lak luh tawh zat chu Rs vbc 790.85 a tling tih Sacnilk record chuan a tarlang. Film hi tihchhuah a nih aṭanga ni 17 hnuah India pumah vawi 8,738 pek chhuah tawh a ni a, ticket 6,92,764 hralh chhuah a ni tawh. Ticket hralh chhuah tawh zawng zawng chu 3,00,11,397 a tling bawk.

Film Tamil version chu pek chhuah tam ber niin, vawi 4,199 tihchhuah a nih aṭangin Rs vbc 6.70 a la lut tawh a, Hindi version chuan Rs vbc 1.45 hmuchhuakin, Telugu version chuan Rs nuai 90 a hmuchhuak tawh a, Kannada version chuan Rs nuai 30 a hmuchhuak tawh bawk a ni.