'Call of Duty' in Itaewon Tragedy footage hman vangin ngaihdam dil

First-person shooter game lar, 'Call of Duty: Modern Warfare 4' siamtute chuan kum 2022-a South Korea khawpui Seoul-a Taewon district-a Halloween lawmnaa chhiatna rapthlak tak thleng footage an hman avangin ngaihdam an dil. He chhiatna hi mipui pungkhawm tam vang leh police awm loh avanga innekbuaina avanga thleng a ni a, mi 160 an thih bakah mi 196 an hliam a ni.

Activision-in October 30-a thuchhuah an siamah, he chhiatna thlenga tuartu chhungte hnenah ngaihdam an dil a, he thil thleng avanga hrehawm tuarte an tawrhpui thu an tarlang. Company chuan November 12-a update tlangzarh turah game aṭang hian footage hi an la chhuak dawn tih an sawi bawk. Scene hi second thum a ni a, game-ah hian a lang tawh dawn lo a ni. Hei bakah Itaewon chhiatna pawh telin, thil thleng lungchhiatthlak tak takte thar thawh tumna emaw, mi dangte hrehawmna thlen tum a nih loh thu an sawi bawk. 'Call of Duty: Modern Warfare 4' hi October 23 khan tlangzarh a ni.