Vawiinah Olivia Rodrigo 'Take me Home (4 Christmas)'

American singer-songwriter Olivia Rodrigo chuan, vawiin Ningani tlai dar 5 hian a Christmas hla hmasa ber, 'Take Me Home (4 Christmas) a tlangzarh dawn a, music video pawh tihchhuah nghal tur niin, video-ah hian Cynthia Nixon leh Ben Marshall-te an inlan. Rodrigo hian kumin June thla khan a album pathumna, 'You Look Pretty Sad for a Girl So in Love' tlangzarhin, a vawi khatna atan Daisy Chains Festival a buatsaih bawk a, hmeichhiate dikna chanvo humhalhtu pawl hrang hrang tan USD mtd 20 a hmu chhuak a ni.

'Take Me Home (4 Christmas)' hi Rodrigo thawhpui Dan Nigro leh Amy Allen-te phuah a ni a, Nigro chu producer a ni. He hla tihchhuah a nih rual hian 7-inch vinyl leh cassette chu Zirtawpni hian Target website-ah pre-order theih a ni bawk ang. Rodrigo hi kumin December thlaah Los Angeles-a kumtin buatsaih ṭhin, 10th Hitmakers event-ah Songwriter of the Year Award hlan a ni dawn. Award dawngtu tur dangte chu Sienna Spiro leh Katseye-te an ni. Karleh lamah guest dang puan belh a ni ang.