Google-in school-te tan an AI tool 'K-12' tan disable theihna kalpui tum

Khawvel huap tech giant, Google chuan Thawhlehni khan an AI tool-te chu school-a thuneitute remtihna a nih loh chuan Kindergarten - Class 12 (K - 12) tana hman theih loha siam theihna tur ruahman a nih thu an puang. He hmalakna hi nakkum aṭanga kalpui tum niin, company chuan zirtirtu, school, researcher, leh policymaker-te aṭanga ngenna an dawn avanga kalpui a nih thu an tarlang bawk.

Hetih laiin Google pawhin an app leh platform hrang hrang Gemini, NotebookLM, Gemini in Classroom, leh Google search-te chu mi hrang hrang hnen aṭanga ngenna an dawn hnuah ennawnna kalpui tum a nih thu a tarlang bawk. Hmalakna kalpui a nih chuan school AI tool hman theih loha siamte chuan Google search an hmang tel thei dawn lo thung. Hei hi Google search leh AI tool hrang hrangte chu thuk taka thlun zawm an nih tawh vang a nih thu Google education vice president Chris Phillips chuan a sawi.