Conference League a harsa - Hurzeler

Brighton & Hove Albion chuan Ningani zan khan Conference League-ah, Getafe chu Malick Yalcouye goal hmangin 1-0 in an hneh a, Seagulls coach Fabian Hurzeler chuan inkhelh banah Conference League chu harsa a tih thu a sawi.

Seagulls hian Spanish club lakah vawi 17 zet shot nei chungin vawi thum chiah goal zawnah an pet thei a, goal hmaah an hriam tawk loh avangin goal khat chauh an khung thei a ni.

Kum 33 mi Hurzeler chuan, "Conference League-a game ṭhenkhat hi chu a harsa thei khawp mai, team tam tak an inven nasat avangin dawhtheih a ngai a, chu chu kan chakna hnar a ni reng a ni.

Zaninah pawh kan khel ṭha a, goal khung harsat mah ila a zawna a vawi thumna atan goal kan chhuah loh avangin kan result-ah kan lungawi a, chak kan phu takzet a ni," a ti.