Indore concert-ah Diljit Dosanjh-a hla 4 perform khap sak

Punjabi singer Diljit Dosanjh chu November 15-a Indore-a concert a neih turah, a hla hit pali perform khap sak a ni a, chungte chu 'Patiala Peg', '5 Tara Theke', 'Jeb Vicho Feem' leh 'Jatt Fire Karda' te an ni. Heng hla thu ṭhenkhatah hian zu, drugs leh tharum thawhna lam pholan a ni. He khapna thupek hi Indore-a District Child Protection Officer (DCPO) chuan concert neihna hmun, C21 Mall manager hnenah a pe a ni. He thil hi Chandigarh-a activist Dr Panditrao Dharenavar-a'n complaint a theh luh hnua siam a ni.

Dr Panditrao chuan November 1 khan complaint a theh luh thu thu sawiin, ruihhlo hluar zel tihtawp kawngah nasa takin hma a la tih a sawi. Thuneituten ruihhlo do kawnga theihtawp an chhuah laiin, artist-te pawhin thlawpna an pek a pawimawh thu a sawi a, ruihhlo leh a kaihhnawih tarlanna an sak a rem lo tih a sawi. High Court chuan zu, wine, drugs leh tharum thawhna tarlanna lam hla sak khapna a tichhuak bawk.