Youth Icon First Round mi 55 in an paltlang

LPS Vision Production buatsaih EverHome Youth Icon 2026 First Round intihsiakna zawh a ni ta a, second round hmachhawn turin mi 55 an tling. November 10-12 chhungin second round intihsiakna hi an chhunzawm leh dawn a ni.

First Round intihsiakna hi November 3-6, 2026 khan LPS Studio, Zarkawtah neih a ni a, mi 132 an inel a ni. Second round intihsiakna hi LPS Studio, Zarkawtah neih tura ruahman a ni a, November 13,2026 zanah result puan a ni ang.

EverHome Youth Icon intihsiakna neih mekah hian judge pali an awm a, an zinga pathumVictor Vanlalhruaia, Rosy K Remsangpuii leh Andrew Laltlankima te chuan intihsiakna hmunah zai hi an endik a, anni bakah hian Youth Icon judge hlun leh rimawi huanga mi senior, R. Lalchungnunga (Laltea) chuan endik hna a thawk bawk.

Intihsiakna hi live-a pek chhuah a ni a, TV-ah LPS 1 ah en theih niin, Youtube lamah LPS Yotube Channel-a member nite tan a en theih bawk a ni. Youth Icon thlanna neih mek hian mipui ngaihven a hlawh a, TV leh YouTube lam aṭanga thlirtu pawh an tam chho hle.

EverHome Youth Icon 2026 intihsiaknaa pakhatna hian Rs 2,00,000 a dawng dawn a, pahnihnain Rs 1,00,000 leh pathumnain Rs 70,000 a dawng dawn a ni.