Gucci ambassador thar atan Park Bo Gum

South Korean actor leh singer lar, Park Bo Gum chu luxury brand Gucci ambassador thar atan ruat a ni. November 5 khan Gucci chuan an official social media-ah Park Bo Gum chu an brand ambassador thar ber a nih thu an puang. Gucci chuan he luxury fashion brand tana Park Bo Gum model-na thlalakte an pho chhuak bawk.

Park Bo Gum fan-te chuan Gucci tana ambassador ni thei tura a hlawhtlinnaah an lawmpui thu an sawi. Tun hnai khan Park Bo Gum hi 2026 MAMA Awards-ah ambassador leh storyteller atan thlan a ni bawk a, awards show ropui tak a kaihruai vawi riatna tur a ni. Kum 33 mi Park Bo Gum hi South Korean actor zinga ngaiven hlawh leh hlawhtling tak niin, 'Hello Monster', 'Reply 1988', leh 'Love in the Moonlight', 'When Life Gives You Tangerines' hmangtein a hming a chher hle. Zai lamah pawh talent a neih ṭhat zia tihlanna atan 'Love in the Moonlight' OST siamṭhatah a aw a thawh a, Jinyoung nen 'Misty Road' an sa bawk a ni.