Netflix subscriber zinga 80% in Korean content en ṭhin

K-pop boruakin khawvel a chiah hneh hle a, ram hrang hrangah K-pop fan tam tak an awm. Hei chauh ni loin Korean drama leh show thleng pawhin boruak a nei lian zel. Khawvela subscription-based istreaming service lian, Netflix-a subscriber awm zinga 80% chuan Korean show leh movie an en ṭhin.

Netflix hi kum 1997-a California, USA-a din niin, kum 1999 aṭangin monthly subscription service hi kalpui ṭan a ni. South Korea ram bikah chuan kum 2016 aṭanga service kalpui ṭanin, kumin hi a kum 10-na chauh a ni thung. Service kum 10 tlin pualin Netflix chuan data a tichhuak a, heta hian kum 2021-a companyh-in official ranking platform a siam aṭangin, Korean production 200 chuang Top 10 chart-ah an lang. Kum 10 chhunga Korean content tichhuah hrang hrangte hi Korea ram chhung khawpui leh thingtlang khaw 100-ah chan an ni.

Data thar berah Netflix hian subscriber mtd 325 a nei mek a, an zinga mtd 250 chuang chu monthly active user an ni. Subcriber hi Europe, Middle East, & Africa (EMEA) bialah tam berin mi mtd 101-111 an awm a, US leh Canada bialah mtd 87.75 an awm bawk.