Billboard chart-ah Youtube streaming data kir leh dawn

YouTube music global head, Lyor Cohen chuan Thawhṭanni November 9 khan blog post-ah company streaming data chu Billboard chart-ah a kir leh dawn thu leh, nakkumah chhunzawm a ni dawn tih a sawi. YouTube hian kumin kumtir lam khan Billboard chart aṭangin streaming data a la chhuak a, hei hi Billboard-in paid/subscription stream leh ad-supported stream-te 1:2.5 ratio-a teh a nih tur thu a puan hnuah a ni.

YouTube streaming data hi kum 2013 khan Billboard chart peng pakhatah dah lutin, Hot 100-ah pawh dah tel a ni. Kum 2019 khan Billboard 200-ah a dah lut ṭan leh bawk. Billboard hian formula thar siamin, he system thar hnuaiah hian paid stream 1,000 chu ad-supported stream 1,500 nen intlukpuiin a kalpui tawh dawn a ni. Billboard chart-a YouTube kir leh tur hi artist, independent musician leh khawvel puma fan nei ṭhate tan danglamna nasa tak a thlen dawn bawk. Music video, lyric video, leh content dangte chu artist-ten mi tam zawk hnen a thlen theihna turin a pui dawn a ni.