MZI leh ZOHANCO-in MZI Oldies Nite buatsaih dawn

Mizo Zaimi Inzawmkhawm (MZI) Gen Hqrs leh ZOHANCO-te ṭangkawp chuan MZI Oldies Nite an buatsaih dawn. Hranghlui zaithiamten hun an hman dawn a, hranghlui musician MZI House band-in rimawi an tumsak dawn a ni.

Aizawl Lammuala Zothuam Kutpui (Handloom Festival) neih mekah 6th MZI Oldies Nite hi November 13, Zirtawpni zanah buatsaih a ni dawn a, zan dar 6 aṭanga dar 9:30 thleng hun hman a ni dawn. He hun hmanah hian ZOHANCO chairman, JK Dawngzuala chu Uaptu a ni ang.