SAKHA in Di Mapui thlah hlenna tur ‘Thinlai a zing’ tichhuak dawn

Tunlai Zoram rimawi khawvela pop group lar chho, SAKHA chuan an album ‘THAWNLOH LEHKHATHAWN’ a track tawpna leh Di Mapui thlah hlenna tur ni bawk 'Thinlai a Zing' tih chu zanin dar 8 hian an YouTube channel-ah an tichhuak dawn

He hla hi an hla hit tak ‘Turnipui Kawlah Liamin’ tih phuahtu Paia Pachuau phuah tho niin,‘THAWNLOH LEHKHATHAWN’ album hmawrbawkna tur a ni. An album hi thawnthu ang maia awmze nei tura duan a ni a, he album-a a changtu ber Ka Di Mapui tih hlaa kan hmuh kha he hlaah hian mangṭha an tum niin an sawi.

An hla thar tur music arrangement hi Mart_tea siam niin,ṭan hla danga mawi taka ṭingṭang zuttu, Sangsanga Hmar thoin rawn zut lehin, a ni hi ṭhangthar zinga Best Guitarist vawi duai lo la tawh a ni. Recording hi Tluanga Hnamte Westend Studio ah neih niin,video hi an Creative Director, a hla phuahtu ni bawkin a shoot leh edit a ni bawk.