Wall of Sound Music Producer Phil Spector a thi

60's leh 70's chhoa legendary studio revolutionary, Wall of Sound Music Producer Phil Spector chu kum 81 mi niin Inrinni khan a thi.

California Department of Corrections and Rehabilitation chuan Phil Spector thih thu hi tarlangin,"Phillip Spector, 80, chu Inrinni, january 16, 2021 dar 6:35 p.m khan natural cause vangin a thi. A thih chhan tak tak chu San Joaquin County Sheriff Office-a medical examiner-in a puang ang," tiin thuchhuah an siam.

TMZ reporter chuan tunhnai lawk khan Spector hi Covid-19 a kai avangin damdawi-inah enkawl a ni tih a lo tarlang tawh a, a kum zat prison system-a kum 80 tia a inziah chhan pawh hi tarlan a ni lo. Spector hi kum 1989 khan Rock and Roll Hall of Fame-ah lakluh a ni. Kum 2003 khan lemchan thiam Lana Clarkson kah hlum a nih chungchangah man a ni a, kum 2009 khan he thubuaiah hian thiam loh changin kum 19 tang tura hrem zui a ni.

Rimawi khawvel chuan Spector thihna hi an sun hle a, a hunlaia rimawi khawvela dang-lamna thlentu, mi ngaihsan a ni. A Wall of Sound production style hi the Ronettes, the Righteous Brothers, the Beatles leh 60' chhoa artist larte khan an hmang nasa hle a, khawvel awmchhunga hla chuai tawh lo tur eng emaw zat a produce bawk. 

George Harrison-a Concert for Bangladesh (1971)-ah khan co-producer a ni, khami vang khan Grammy award pawh a dawng hial. Kum 1997 khan  Songwriters Hall of Fame-ah lakluh a ni a, kum 2004 khan Rolling Stone magazine chuan  greatest artists in history list-a tihchhuahah a a hming tarlang telin 63-naah an dah a ni.